Formula 1 trekləri və yarışları dedikdə ağıla ilk gələn ilk treklərdən bəlkədə, birincisi elə Monako trekidir. Monako, 1950-ci ildə Formula 1-in başlanmasından bəri yarışa ən qədim ev sahibliyi edən ölkələrdən biridir.&nbsp; Bu yarışı tez-tez Monte Karlo QP - da adlanırırlar. Bunun səbəbi trekin çox hissəsinin Monakonun Monte Karlo məhəlləsindən keçməsidir. Təxminən 37 min nəfərlik tamaşaçı tutumuna malik trek may ayında Formula 1 yarışlarına ev sahibliyi edir. Bundan əlavə, avtomobil idmanının ən mühüm titullarından biri olan Triple Crown-a sahib olmaq üçün pilotlar bu yarışda qalib gəlməlidirlər.

Trek xüsusilə bugünkü Formula 1 avtomobilləri üçün olduqca çətin trekdir. Yolların dar küçə və prospektlərdən keçməsi və qəzadan qaçış zonalarının demək olar ki, olmaması burada idarəetməni çətinləşdirir. Bu isə, yeni başlayan pilotlar üçün qəza riskinin kifayət qədər yüksək olduğu bir yarış məkanı deməkdir. Formula 1 təqvimində döngələrin ən yavaş olduğu trek olan Monakoda ötmə də çox çətindir. Formula 1-in ən məşhur döngələrindən biri olan "Grand Hotel Hairpin" döngəsində avtomobilin sürətinin 50 km/saata düşə biləcəyini görürük.

Monakonun küçələrində Qran Pri yarışının keçirilməsi ideyası Monako Avtomobil Klubunun prezidenti və hakim Qrimaldi ailəsinin yaxın dostu Antoni Noqesdən gəlib. İlk yarış 1929-cu ildə keçirilib. Bugatti pilotu Uilyam Qrover-Uilyams yarışın ilk qalibi olub. Trek formatında isə Monako 1950-ci ildən Formula 1 yarışlarına ev sahibliyi edir.

 93 - il ərzində Monakoda keçirilən yarışda qalib gələn monakolu pilotların sayı cəmi 3 nəfərdir.Bu siyahıya adını ilk dəfə Bugatti pilotu&nbsp; Louis Chiron 1931-ci ildə yazdırıb. 83 ildən sonra Stefano Coletti GP2 seriyasının sprint yarışında qalib gəldi. Növbəti il ​​eyni seriyanın sprint yarışında Stephane Richelmi Monakoda yarışı qazanan üçüncü Monakolu&nbsp; oldu. Monakoluların yeni ümidi burada Şarl Leklerin qələbəsini görməkdir.

 Trekin indiyədək istifadə olunan 7 versiyası var. Original versiya 1929-cu ildə tikildikdən sonra 53 il dəyişmədən istifadə edilmişdir. Daha sonra 1973-cü ildə gölün arxasından normal keçən yol, gölün qarşısına köçürüldü. 1976-cı ildə&nbsp; trasda daha bir dəyişiklik edildi. Bugünkü 18-ci və 19-cu Döngələr (Anthony Noghes döngəsi) yaradılıb. 1997 ci ildən 2000 ci illərin əvvələrinə qədər bir neçə dəyişiklik edilən trekdə 2015-ci ildə son dəyişiklik edildi. Bu dəyişiklik 12-ci döngə olan Tabac döngəsi oldu.

&nbsp;Trekin qurulduğu ildən keçmiş yarış qaliblərinə və çempionlara nəzər salsaq, Bugatti ilk 3 ildə üstünlüyə sahibdir. Brendlər baxımından Mclaren 15 qalibiyyət ilə,&nbsp; Ferrari-ni 5 qalibiyyət qabaqladığını görürük. Bu ikilini 8 qələbə ilə Mercedes brendi izləyir. Pilotların sayına görə əfsanəvi pilot Ayrton Senna 6 qələbə ilə birinci yerdədir. Qrem Hill və Mixael Şumaxer hərəyə beş qələbə ilə braziliyalını izləyir.&nbsp; Pilotlardan; Lyuis Hamilton 3, Fernando Alonso və Sebastyan Fettel 2, Kimi Raykkönen və Daniel Rikkardonun 1 qələbəsi var.

Qeyd edək ki, gələn həftə sonu Monaco QP baş tutacaq.&nbsp;

Formula 1 - MONACO GP