İnsanların çoxu ilk növbədə avtomobilinin xarici görüşünü düşünür,
lakin daxili dizayna önəm verənlər də az deyil. Müasir avtomobil tuninqi təkcə
fərqlənmək deyil, həm də özünüz və sərnişinləriniz üçün əlavə rahatlıq təmin
etmək məqsədi daşıyır. Avtomobilinizin salonunu öz zövqünüzə uyğunlaşdırmaq
üçün bir çox yollar var...

Salonunuzu fərqləndirməyə sükandan, oturacaqlardan və ya alətlər
panelindən başlamaq olar. 

Məsələn, sükanınızı alacantara dərisi ilə yeniləyə və ya müxtəlif rəngli,
naxışlı oturacaq örtükləri ilə salonunuza rəng qata bilərsiniz. Dəbli alətlər paneli
və qapı işləmələri eyni zamanda aktiv və idman üslublu zərif atmosfer yaratmaq
üçün interyeri tamamlayır.&nbsp; 

Avtomobilin daxili dizaynı xarici dizaynla vəhdət təşkil etməlidir. Təcrübə
göstərir ki, avtomobilin daxili hissəsini tənzimləmək olduqca mürəkkəb bir
işdir. Hər hansı bir avtomobilin salonu elementlər, hissələr və aksessuarlar
toplusudur, buna görə də müəyyən bir ümumi üsluba riayət etmək və saxlamaq son
dərəcə vacibdir.