Tormoz qəlibləri avtomobilin vaxtında dayandırıla bilməsi üçün vacib detallardan biridir. Mashin.tv xəbər verir ki, onların vaxtında dəyişdirilməməsi həm qəza, həm də əyləc detallarının sıradan çıxması ilə nəticələnə bilər. Əslində, qəliblərin dəyişdirilməsi üçün filtrdə olduğu kimi, konkret vaxt müəyyən edilməyib. Uzaq yolda, və ya kənd yerində istismar edilən maşınlarda bu detalın dəyişdirilməsinə bəzən illərlə ehtiyac olmur. Lakin şəhərdə vəziyyət başqadır.&nbsp;

Müasir avtomobillərin çoxunda qəliblərin yeyilməsini bildirən sensorlar mövcuddur və sürücü bunu salonda ikən indikatorun işığının yanması ilə görür. Bu olmadıqda isə vizual nəzarətlə detalın yeyilib-yeyilmədiyini görmək mümkündür.&nbsp;

İstehsalçılar qəlibin qalınlığını 3 millimetrə düşdükdə dəyişməyi tövsiyə edirlər. Lakin daha tez dəyişmək fayda verir. Əks halda qəlibin metal hissəsi tormoz çənbərinə sürtülərək onu sıradan çıxaracaq və pis səs yaranacaq.&nbsp;

Yeri gəlmişkən, əgər tormoz zamanı səs yaranırsa, o zaman qəlibin tam aşınmasını gözləmədən, dərhal dəyişmək lazımdır.

Tormoz qəlibləri nə vaxt dəyişdirilməlidir?