“Diedrich Engineering Systems” (D.E.S.) müdafiə şirkəti Almaniyada keçirilən “Enforce Tac” sərgisində "e-boost" elektrik motosikletini təqdim edib.

Mashin.tv xəbər verir ki, bu barədə “Defence Network” portalı məlumat yayıb.

Bildirilir ki, motosiklet xüsusi təyinatlıların ehtiyacları üçün hazırlanıb. O, mülki elektron təkmilləşdirməyə əsaslanır.

İki təkərli nəqliyyat vasitəsi saatda 50 kilometr sürəti 1,5 saniyəyə yığa bilir. Motosiklet 100-130 kilometr məsafəni təmin edən iki növ akkumulyator dəstəkləyir.

Elektrikli motosiklet, həmçinin çətin relief ərazilərdə hərəkət etməyə imkan verən gücləndirilmiş asma və silahların quraşdırılması üçün kronşteynlərlə təchiz olunub. Avtomobilin yükgötürmə qabiliyyəti 150 kiloqram olacaq.

Xüsusi təyinatlıların ehtiyacları üçün motosiklet hazırlandı - FOTO