Avqustun
26-da Azərbaycan Avtomobil Federasiyası (AAF) və “Zhara Events”in təşkilatçılığı
ilə Bakıda klassik avtomobillərin yürüşü keçiriləcək.

Artıq ənənə halını almış yürüş bu il fərqli formatda təşkil olunacaq.
Avqustun 26-da Heydər Əliyev Mərkəzindən start götürəcək klassik avtomobillər
“Sea Breeze” istirahət mərkəzinədək yürüş edəcəklər. “Sea Breeze” ərazisində isə
avtomobillərin sərgisi və retro tərzdə konsert olacaq. Əyləncə proqramında
viktorinalar keçiriləcək, müxtəlif nominasiyalarda hədiyyələr veriləcək.

Tədbirin ikinci günü – avqustun 27-də klassik avtomobillərin sərgisi və əyləncə
proqramı davam edəcək.

Yürüşdə iştirak üçün 1983-cü ilədək istehsal olunan klassik avtomobillər
10 avqust 2023-cü il tarixinədək qeydiyyatdan keçə bilər. Avtomobillərin
qeydiyyatı AAF-ın elektron ünvanı&nbsp;info@faa.az&nbsp;və ya (+99450) 295 01
00 nömrəsinə müraciətlə aparılır.

Bakıda klassik avtomobillərin yürüşü olacaq