Amerikalı milyarder İlon Maskın “Tesla” şirkəti “Cybertruck” pikapının kütləvi satışına başlayıb. Elektrikli pikapın ən ucuz versiyası 60 990 dollara (103,5 min manat) başa gələcək ki, bu da 2019-cu ildə vəd edilən 40 min dollardan (68 min manat) xeyli çoxdur.

Pikapın ən güclü versiyası olan “Cyberbeast”, eləcə də tam ötürücülü versiyaları 2024-cü ildən başlayaraq müştərilərə müvafiq olaraq 100 min dollar (170 min manat) və 80 min&nbsp;dollarlıq (136 min manat) başlanğıc qiymətlərlə təqdim olunacaq.

Şirkətdən verilən məlumata görə, avtomobil 1,5 tondan çox yük daşıya, 96 km/saat sürəti 2,9 saniyəyə yığa və bir akkumulyatorun doldurulması ilə 800 km məsafə qət edə biləcək.

“Cybertruck” sifarişləri artıq 2 milyona çatıb.

Qeyd edək ki, “Cybertruck”ın imkanlarının sərgiləndiyi videoda Mask pikapın pulemyotla atəşə tutulma anını göstərib. Kadrlarda maşının gövdəsi əzilsə də, deşilmədiyi görünür.

Mask yenə rekorda imza atdı: 800 kilometr məsafə, iki milyon sifariş - FOTO/VİDEO