Lamborghini ilk tam elektrikli avtomobilini - Lanzador'u təqdim edib. Şirkət Monterey Avtomobil Həftəsi çərçivəsində ilk dəfə öz avtomobilini nümayiş etdirib.

Elmi-fantastika filmlərindən çıxmış kimi görünən avtomobildə Urus və Sian modellərinin izləri var.

Lamborghini hələ Lanzadorun diapazonu, akkumulyatoru kimi texniki detalları açıqlamayıb.

Avtomobil haqqında bildiyimiz ən vacib şey, onun 1341 at gücünə bərabər olan 1 meqavat güc istehsal edən ikiqat mühərriklə təqdim edilməsidir.

Şirkət hazırda konsept mərhələsində olan avtomobilini 2028-ci ildə satışa çıxarmağı planlaşdırır.

Lamborghini ilk elektromobilini təqdim etdi