“Bugatti” şirkəti fransızcadan tərcümədə “qasırğa” mənasını verən yeni “Tourbillon” hiperkarını təqdim edib.&nbsp;&nbsp;<a href="https://avtosfer.az/az">M</a>ashin.tv xəbər verir ki, modelin eksteryerini hazırlayarkən dizaynerlər “Type 57SC Atlantic” və “Type 35” modellərindən ilhamlanıblar. “Tourbillon”un qeyri-adi alətlər paneli İsveçrə saat istehsalçıları ilə birgə hazırlanıb. Onu yaradarkən titandan, eləcə də yaqut və sapfirdən istifadə edilib. Mərkəzi konsol alüminium və kristaldan hazırlanıb. Hiperkar, həmçinin lazım olduqda iki saniyəyə uzanan “gizli” multimedia sistemli ekran ilə təchiz edilib.

Hiperkar ümumilikdə 1800 a.g. verən 252 kq çəkili 8,3 litrlik V16 motoru və 3 elektromühərriklə təchiz edilib.

Avtomobil təkcə elektrik enerjisi ilə 60 km məsafə qət edə bilir. Maksimal sürət 445 km/saatdır. Model 100 km/saat sürəti cəmi 2 saniyəyə yığır.

Ümumilikdə şirkət 250 hiperkar istehsal etməyi planlaşdırır. Yeni hiperkarın satışına yalnız 2026-cı ildə başlanacaq. Avtomobilin qiyməti 3,8 milyon avrodur (6,9 mln AZN).

“Bugatti” 7 milyonluq hiperkarını təqdim etdi – Foto -Video