Marja.az xəbər verirki AvtoVAZ Soçidə keçirilən dilerlərin illik konfransında yeni krossoverini nümayiş etdirib.Marja.az Rusiya mətbuatına istinadən xəbər verir ki, hadisə ilə bağlı məlumatlar sosial şəbəkələrə sızıb. Qeyri-rəsmi məlumatlara əsasən, avtomobil Lada X-cross 5 adlandırılıb və tezliklə onun kütləvi istehsalına başlanacaq.

Lada X-cross 5 adı verilən bu avtomobil, Sankt-Peterburqda yerləşən Nissan fabrikində istehsal ediləcək. İddialara görə, modelin sənaye baxımından istehsalına bu yayın əvvəlində başlanacaq və 2023-cü ilin sonuna qədər müəssisənin konveyer xəttindən 10.000-dən çox yeni Lada <a href="http://lada2">krossoveri</a> çıxarılacaq.

Lada X-cross 5, FAW Bestune T77 modelindən ilham alınaraq hazırlanmışdır. İki avtomobilin xarici görünüşü bir-birinə çox oxşayır və hətta salonları da bənzəyir. Hazırda, Lada X-cross 5-in bütün texniki xüsusiyyətləri gizli saxlanılır, lakin iddialara görə, avtomobil FAW Bestune T77-dən ciddi şəkildə fərqlənməyəcəkdir.

AvtoVAZ-ın mətbuat xidmətindən rəsmi bir açıqlama hələlik verilməyib. Lakin, çoxlu insayderlərin açıqlamalarına əsasən, Lada X-cross 5 krossoveri, müəyyən bir qiymət aralığında satışa çıxarıla bilər. Məhsulun lokal istehsalı səbəbindən, FAW Bestune T77 modelinə nisbətən daha ucuz olacağına inanılır.&nbsp;

AvtoVAZ yeni Lada X Cross-u təqdim edib.