Ralli üzrə səkkizqat Dünya Çempionu Sebastien Ojye dünya ralli çempionatında yeni mövsümü açacaq Monte Karlo rallisindən gözləntilərindən danışıb.

2013-cü ildən bəri fransız WRC təqvimində ən nüfuzlu mərhələni cəmi iki dəfə - 2020 və 2022-ci illərdə uduzub.

"Monte Karlo rallisi mənim üçün hər zaman xüsusi hadisə olacaq. Təbii ki, qarşıdan gələn rallidə məqsədim onuncu dəfə qələbə qazanmaqdır. Karyeramın əvvəlində belə bir şey xəyal edə bilməzdim" - Ojye DirtFish nəşrinə açıqlamasında bildirib.

Monte Karlo Rally 25-28 yanvar tarixlərində keçiriləcək. Əvvəlki iki ildə olduğu kimi, Ojye 2024-cü il mövsümündə də yalnız fərdi mərhələlərdə mübarizə aparacaq.

Sebastien Ojye Monte Karlo Rallisində rekord onuncu qələbəsini hədəfləyir