Mashin.tv-nin məlumatına görə, Londondakı "The O2 Arena"sında baş tutan tədbiri 15000 azarkeş yaxından izləyib.

Gecədə "Formula 1"in 10 komandası, sürücüləri və komanda rəhbərləri iştirak edib, yeni mövsümdə 2025-ci il avtomobillərinin dizaynları təqdim olunub Tədbirdə yalnız yeni avtomobillər deyil, həm də Lyuis Hemiltonun "Ferrari"yə keçidindən sonra ilk dəfə rəsmi təqdimatı, gənc pilotların debütləri və "Red Bull"un yeni heyəti təqdim edilib.

Tədbir musiqi dünyasından da böyük sürprizlərlə zəngin olub. Belə ki, Keyn Braun, Take That və MGK kimi sənətçilər səhnəyə çıxıb.

Həmçinin "Formula 1" azarkeşləri üçün bu tədbir F1-in sosial media kanallarında, o cümlədən yutub-da yayımlanıb.

Qeyd edək ki, Bakıda keçiriləcək "Formula 1" üzrə Azərbaycan Qran-prisi sentyabrın 19-21-i aralığında təşkil olunacaq.

"Formula 1"in 75 illik yubileyi münasibəti ilə tədbir keçirilib