Aston Martin komandası hazırkı sponsor Aramco ilə eksklüziv razılaşmadan sonra 2024-cü il mövsümü üçün adını dəyişəcək.

2023-cü ildə komanda Aston Martin Aramco Cignant F1 Komandası kimi tanınırdı, lakin Cignant adından çıxarılacaq – Silverstone komandası 2024-cü il yanvarın 1-dən Aston Martin Aramco Formula 1 olacaq. Səudiyyə Ərəbistanının neft şirkəti Aramco 2022-ci il mövsümü ərəfəsində Aston Martin-ə sponsor kimi qoşulub və gələn ildən etibarən eksklüziv titul sponsorluq hüquqlarına sahib olacaq.

Aston Martin-in sahibi Lourens Stroll: “Biz Aramco ilə uğurlu tərəfdaşlığımızı davam etdirməkdən və gücləndirməkdən çox qürur duyuruq. Bizim artıq mühüm strateji əlaqələrimiz var və onların növbəti beş il ərzində ad tərəfdaşları kimi dəstəyi bizim ümumi məqsədlərimizin bariz göstəricisidir”.

Aston Martin komandası 2024-cü il mövsümü üçün yeni adını açıqlayıb