Red Bull Car Park Drift artıq ikinci dəfə Bakıda keçiriləcək. Motorsport həvəskarları yenə də ən sürətli drift yarışında öz bacarıqlarını sınaya biləcəklər.

Ən həyəcanlı idman yarışı olan “Red Bull Car Park Drift”də iştirakçılar xüsusi hazırlanmış maneələrin öhdəsindən gəlməklə münsiflərdən ən yüksək xalı toplamalıdırlar. Nəticədə ölkənin ən yaxşı drifteri seçilib “Red Bull Car Park Drift”in Dünya Finalında Azərbaycanı təmsil edəcək.

“Red Bull Car Park Drift” çılğın bir yarışdır! Yarış boyu iştirakçılar driftinq bacarıqlarını göstərməklə bərabər, “pendulum”, “spiral”, “gate”, “flipper” adlı maneələri də keçməlidir. Həyəcanlı səslənir, düzde?!

Münsifləri heyrətləndirməyi bacaran və 400 xal üstündən ən yüksək nəticəni əldə edən iştirakçı Milli Finalçı elan olunacaq.

Drifterlər həm də maşınlarının görünüşü, səsi və təkələrdən çıxan tüstünün həcminə görə də qiymətləndiriləcəklər.

<b>“BOX”</b>&nbsp;adlanan maneə isə iştirakçının taleyini həll edəcək. Çünki burada sürücülər maşınlarını dairəvi şəkildə döndürməli və maneələrlə dolu kiçik dördkünc çərçivənin ətrafında drift etməlidirlər. Əgər sürücülər fırlanaraq yanlış istiqamətə dönərlərsə və ya maneəyə dəyərlərsə xallar azalır.

Üç penaltidən sonra oyundan kənarlaşdırılırlar.

Əgər özünə, maşınına və driftinq bacarıqlarına güvənirsənsə o zaman meydan da var, imkan da!

Red Bull Car Park Drift 2023 yenidən Bakıda keçiriləcək