Avqustun 25-də Azərbaycan Avtomobil Federasiyasının (AAF) təşkilatçılığı ilə paytaxtda keçiriləcək klassik avtomobillərin yürüşü və sərgisinə son hazırlıqlar gedir.&nbsp;

Mashin.tv “Qafqazinfo”ya istinadən xəbər verir ki, yürüş ərəfəsində qeydiyyatdan keçmiş avtomobillərə və Heydər Əliyev Mərkəzində nümayiş olunan klassik avtomobillərə bir daha baxış keçirilir, onların yağlama-sazlanma işləri aparılır, bəzi avtomobillərin sınaq yürüşü təşkil olunur.

AAF-ın nümayəndəsi Nərgiz Rüstəmova bildirib ki, klassik avtomobillərin yürüş və sərgisinə olan marağın ildən-ilə artması sevindirici haldır. Onun sözlərinə görə, avqustun 25-də yürüşdən əvvəl Dənizkənarı Milli Parkda klassik avtomobillərin sərgisi təşkil olunacaq:

“Dənizkənarı Milli Parkdan start götürən yürüş paytaxt küçələri, Heydər Əliyev Mərkəzinin qarşısından keçməklə “Dreamland Golf Club”da başa çatacaq. Yürüşdə AAF-da qeydiyyatdan keçən avtomobillərlə yanaşı Heydər Əliyev Mərkəzindəki daimi sərgidə nümayiş olunan bəzi klassik avtomobillər də iştirak edəcək”.

Yürüşün sonunda “Dreamland Golf Club”da klassik avtomobillərin sərgisi keçiriləcək:

“Burada tanınmış ifaçıların iştirakı ilə retro tərzdə konsert və əyləncə proqramı təqdim ediləcək, viktorinalar, geyim və avtomobillər üzrə müxtəlif nominasiyalarda qaliblər seçiləcək”. &nbsp; &nbsp;&nbsp;

Yürüşə hazırlıqdan videomaterialı təqdim edirik:&nbsp;

Son beş gün... - FOTO - Video