Yeni Cadillac &nbsp;Escalade &nbsp;IQ modelinin uzunluğu 5697 millimetr, eni - 2167 millimetr, hündürlüyü isə 1934 millimetr təşkil edir. IQ versiyasının təkər bazası 3460 millimetrdir.

Elektromobil optimallaşdırılmış aerodinamikaya malikdir: Cadillac şirkəti Cx əmsalını açıqlamır, lakin onun adi Escalade modeli ilə müqayisədə 15% az olduğunu iddia edir. Elektrokarın standart təchizatına 24 düymlük təkər diskləri və şüşə dam daxildir (lakin lyuk yoxdur).

Avtomobilin luxury (kuzovdakı xrom dekor ilə) və ya Sport (qara dekor ilə) tərtibatları arasında seçim etmək olar.&nbsp;

Escalade IQ modeli üç oturacaq cərgəsinə və yeddi oturacağa malikdir. Baqaj bölümünün həcmi &nbsp;670 litrdir. Üçüncü sıranın qatlanması halında baqaj &nbsp;bölməsinin həcmi 1958 litrə, ikinci sıra qatlandıqda isə, 3374 litrə çatır. Bundan əlavə, eTrunk– 345 litrlik ön baqaj da var.

Cadillac Escalade IQ modelinin 55 düymlük ekrana, yəni ön panelin demək olar ki, bütün eni boyu uzanan displeyə malikdir. Üstəlik, mərkəzi konsolun yerində sensorlu panel, sürücünün qarşısında isə proyeksiya displeyi var. Ön kamera gecə görmə sistemi ilə tamamlanıb.

Avadanlıq siyahısı kifayət qədər genişdir - beş zonalı iqlimə nəzarət sistemi, dəri üzlüklər, elektriklə tənzimlənən ön oturacaqlar və sairə var.&nbsp;

GMC Hummer EV üçə qədər elektrik mühərriki təchiz edilsə də, Cadillac Escalade IQ iki mühərriklidir. Standart hərəkət rejimində onların ümumi gücü 687 at qüvvəsinə və 834 Nm çatır, lakin ən ekstremal Velocity Max preseti aktivləşdirildikdə, mühərriklər qısa müddət ərzində 761 at qüvvəsi və 1064 Nm hasil edəcəklər.&nbsp;

200 kilovat/saatlıq litium-ion dartma batareyası 24 blokdan ibarətdir və istilik nasosu olan termotənzimləmə sisteminə malikdir. Cadillac öz akkumulyatorundan digər cihazları və elektrik nəqliyyat vasitələrini doldura, eləcə də evi elektrik enerjisi ilə təmin edə bilər.

Cadillac Escalade IQ modeli Hummer ofrouderlərinin istehsal olunduğu Detroytdəki Factory Zero zavodunda istehsal olunacaq. Satışların başlanması isə 2024-cü ilin sonuna planlaşdırılır. Bununla belə, qiymətlər artıq açıqlanıb: baza versiyası üçün 130 min dollar, maksimum avadanlığı olan avtomobil üçün minimum 175 min dollar tələb olunur. ABŞ-da adi Escalade modelinin qiyməti 81 - 160 min dollar arasındadır.

Yeni Cadillac Escalade IQ