Daha dinamik, zəngin rəqəmsal innovasiyalar və ilk dəfə olaraq tam elektrik ötürücü ilə təchiz olunmuş - yeni BMW 5 Seriya Sedan təqdim olunur.&nbsp;

Əvvəlki modellə müqayisədə yeni versiyanın uzunluğu 97 millimetr artaraq 5060 millimetrə, eni 32 millimetrdən 1900 millimetrə, hündürlüyü 36 millimetr artaraq 1515 millimetrə, təkər bazası isə 20 millimetr artırılaraq 2995 millimetrə çatıb.

Yeni BMW 5 Seriya Sedanın dinamik xarakterini əlavə M Sport Package, M Sport Package Pro və M Carbon eksteryer paketi ilə daha da artırmaq olar.

Tam rəqəmsal displey sistemi 12,3 düymlük Məlumat Ekranı və 14,9 düymlük İdarəetmə Ekranından ibarətdir. Sükan çarxı da yenidən işlənib, alt hissə daha düz olub, idarəetmə panellərində toxunma əks əlaqəsi, eləcə də mərkəzi konsol daha mükəmmələşdirilib.&nbsp;

BMW i5 M60 xDrive, 601 at gücünə qədər, sürücünü əlamətdar M performansı və xüsusi dizayn xüsusiyyətləri ilə qarşılayır. Ön və arxa oxlarda inteqrasiya olunmuş iki ötürmə qurğusu tam ötürücülü elektrik sistemini təşkil edir. M Sport Boost və ya M Launch Control funksiyası işə salındıqda yaradılan fırlanma anı 820 Nm-ə çatır. Bu, BMW i5 M60-a sıfırdan 100 km/saata 3,8 saniyəyə sürətlənməyə imkan verir, onun maksimal sürəti elektriklə 230 km/saat ilə məhdudlaşdırılıb.

Yerə qənaət edən yüksək gərginlikli akkumulyator korpusun altında yerləşir və 81,2 kVt/saat istifadə edilə bilən enerji tutumu təmin edir. Effektiv elektrik mühərriklərinə əlavə olaraq, adaptiv rekuperasiyanın ən son versiyası, salonun qızdırılması və soyudulması üçün istilik nasosu texnologiyasının ağıllı kombinasiyası, yüksək gərginlikli batareya uzun məsafə qət etməsinə kömək edir.&nbsp;