Səudiyyə Ərəbistanında, paytaxt Ər-Riyaddan 45 kilometr aralıda salınan əyləncə şəhəri Kiddiyada yeni yarış treki hazırlanıb. Tərtibatçılar avtodromun təfərrüatını paylaşıblar.

Qeyd olunub ki, trekin bir tam dövrəsi 21 döngədən ibarətdir.&nbsp;Birinci döngə 20 mərtəbəli binanın hündürlüyündə olacaq. Bundan əlavə, trekdə üç “DRS”&nbsp;zonası (havaya qarşı müqaviməti azaldan xüsusi sistemin aktivləşdirildiyi sahə)&nbsp;olacaq. Pilotların çata biləcəyi maksimal sürət 325 kilometr/saat hesablanıb. Tam dövrənin uzunluğu hələ dəqiqləşdirilməyib.

Trekin dizaynı üzərində “Formula-1”in keçmiş pilotu Aleks Vürs və məşhur dizayner Herman Tilkenin başçılıq etdiyi arxitektor bürosu çalışıb.

Hazırda Səudiyyə Ərəbistanı Qran-prisi Ciddədə dənizkənarı bulvarda keçirilir və 2027-ci ilə qədər təqvimdə qalması nəzərdə tutulub. Cari&nbsp;mövsümdə Səudiyyə Ərəbistanı Qran-prisi bu həftəsonu - martın 7-dən 9-dək keçiriləcək.

Səudiyyə Ərəbistanında 20 mərtəbəli bina hündürlüyündə yeni “Formula-1” treki hazırlanıb - VİDEO