75 illik yubileyini qeyd edən nəhəng avtomobil istehsalçısı – “Porsche”, bunun şərəfinə konsept avtomobil hazırlayıb.

Avtomobil 1948-ci ildə debüt edən və şirkətin ilk avtomobili kimi tanınan “356 Roadster No.1”in müasir versiyası kimi təqdim edildi və “Vision 357” olaraq adını aldı. Orijinal avtomobilə sadiq qalaraq yaradılan avtomobil keçmişi və gələcəyi təmsil edir. Avtomobil “2023 Cayman GT4 RS” texnoloji platformasında hazırlanıb. Həm ön, həm də arxa faralar perforasiya edilmiş panellərin arxasında gizlənir. Bundan əlavə, 493 at gücü, 4 litrlik mühərrikə sahibdir. Rənglərin onu 1950-ci illərə apardığını söyləmək mümkündür.

Həmçinin qeyd edək ki, şirkətin 75 illik yubileyinə özəl olan bu nəqliyyat vasitəsi konseptdir, yəni satışa çıxmayacaq. “Motor1”in məlumatına görə, Porsche yanvarın 27-də Berlində başlayacaq xüsusi sərgidə insanlara təqdim ediləcək.