Volkswagen-in ilk dəfə 2007-ci ildə satışa çıxarılan Tiguan modeli alman markası üçün çox əhəmiyyətli bir yerə sahibdir.

Xüsusilə ölçüləri və SUV olması ilə bir çox insanın seçimi olan Tiguanın tezliklə yeni modeli təqdim ediləcək.

2024 Volkswagen Tiguan bu il təqdim olunmağa hazırlaşarkən, eksteryer və daxili dizayn şəkilləri sızdırılıb.

Proqram təminatı şirkəti MQB-Coding &amp; Retrofit deyir ki, onların paylaşdıqları şəkillər 2024-cü ilin sonunda buraxılacaq yeni nəsil kompakt yolsuzluq avtomobilinin fotoşəkilləridir.

Yeni Tiguan indiki modeldən daha çox dairəvi xətlərə malik olacaq. MQB Evo platformasından istifadə edərək, Volkswagen avtomobilin uzunluğunu 32 millimetr artıraraq ümumi uzunluğu 4551 mm-ə çatdıracaq. Bu ölçü dəyişiklikləri interyerdə daha çox sahə və böyük baqaj həcmi təklif edəcək.&nbsp;

Güc aqreqatı variantları haqqında hələ ətraflı məlumat olmasa da, yeni Tiguanın benzin, dizel və təkrar doldurulan hibrid mühərrik variantlarının təklif edəcəyi məlumdur.