Klassik avtomobillər uzun illərdən bəri öz şöhrətini itirməyən, illərin
köhnəldə bilmədiyi nəqliyyat vasitələridir. Dünyanın ən
dəyərli klassik avtomobillərinin istehsal tarixi 1925-1950-ci illərə aiddir.
Həmin nəqliyyat vasitələri böyük radiatorlar və uzun mühərrik kapotları ilə
xüsusi estetik görkəmə malikdirlər. Bu cür avtomobilləri bir zamanlar Rolls
Royce, Bentley, Rispano-Suiza, Duesenberg, Bugatti, Mercedes-Benz, Alfa Romeo
və s. kimi tanınmış markalar istehsal edib. 1950-1960-cı illərə aid amerikan
avtomobillərinin də klassik avtomobillər dünyasında xüsusi yeri var.

Bunlardan Chevrolet və Chraysler həmin dövrün I sinif klassik avtomobil
modelləri sayılmasa da, kifayət qədər sevilib və azarkeş marağı toplaya bilib.

Klassik avtomobillər seriyasına Porsche, Ferrari, Maserati, Lotus və Jaguar
kimi markaları, həmçinin Mercedesin 1950-ci illərdən sonra istehsal etdiyi kupe
və kabriolet modellərini də əlavə etmək olar.